Të nderuar, para jush gjendet një anketë që zhvillohet në kuadër të hulumtimit për temën e punimit të masterit „Empatia emocionale, imagjinata dhe vetëvlerësimi i kreativitetit te studentët“.
Anketa është anonime dhe u dedikohet studentëve. Të dhënat e mbledhura do të përdoren ekskluzivisht për hartimin e punimit të masterit. Ju lutemi, ndani pak kohë për ta plotësuar anketën. Ju faleminderit paraprakisht!
Vetëvlerësimi i kreativitetit: Krahasuar me njerëz të tjerë afërsisht të së njëjtës moshë dhe me përvojë të ngjashme jetësore, vlerësoni sa kreativë jeni në secilin prej aktiviteteve të renditura. Për aktivitetet me të cilat nuk jeni marrë kurrë, vlerësoni kreativitetin tuaj duke u bazuar në aktivitete të ngjashme ku keni marrë pjesë.
Përgjigjuni duke zgjedhur një numër nga 1 deri në 5: 1 — shumë më pak kreativ; 2 — më pak kreativ; 3 — as më pak e as më shumë kreativ; 4 — më shumë kreativ; 5 — shumë më shumë kreativ.
Empatia emocionale dhe imagjinata: Lexoni me kujdes pohimet dhe përgjigjuni sipas udhëzimeve. Nuk ka përgjigje të sakta apo të pasakta. Mos u mendoni gjatë — përgjigjja juaj e parë është më e mira. Zgjidhni një numër nga 0 deri në 4: 0 — nuk vlen aspak për mua; 1 — kryesisht nuk vlen për mua; 2 — as vlen e as nuk vlen për mua; 3 — kryesisht vlen për mua; 4 — vlen plotësisht për mua.