Filminizi gerçekleştirirken karşılaştığınız veya karşılaştığınız engeller ve zorluklar nelerdir?
التمويل ، في المقام الاول ، والقدرة على التحرر من افكار السوق يعني بالمقابل ، ان تتواجد معيقات لوصول هذه السينما للجمهور ودور العرض
عقبات إنتاجية( مالية ) بالإضافة إلى التصريحات الرسمية اللازمة
أول تحدي كان دائمًا التمويل أو غيابه. مو لأن الفيلم لازم يكون ضخم، بالعكس، بس حتى أقل التكاليف أحياناً بتصير عبء لما ما يكون في جهة داعمة، ولا حتى بيئة إنتاجية مستقرة.
بس الأهم من المادة، كان سؤال: "وين ممكن نصور؟ ومع مين؟"
كل موقع تصوير ببلد مثل سوريا أو حتى ببيروت، بيتحول لساحة احتمال: احتمال مداهمة، احتمال انقطاع كهربا، احتمال انفجار، أو حتى بس نظرة خوف من الناس يلي ممكن يفكروا إنك عم تصور شي "مشبوه".
وفي جانب تاني كمان: الوحدة.
لما تشتغل على مشروع مستقل، خارج أي مؤسسة أو شبكة دعم، بتحس أحيانًا إنك لحالك عم تحاول تحكي شي محدا بدو يسمعو، أو ما في وسيلة واضحة توصلو.
بس يمكن هون تماما، بتبدأ قيمة التجربة: إنك تكمل، حتى لو بالأدوات المحدودة، حتى لو الكاميرا مستعملة، والإضاءة طبيعية، والمكان مستعار.
السينما، بالنسبة إلي، صارت فعل إصرار، أكتر من كونها "إنتاج".
وأحياناً العقبات، بدل ما توقفني، صارت جزء من بنية الفيلم نفسها—لأنها عم تعكس الشي اللي بدي أحكي عنو أصلاً.